Í áfanganum læra nemendur undirstöðuatriði í knattspyrnu. Lögð er áhersla á knatttækni og leikfræði fyrir byrjendur. Stefnt er að því að nemendur öðlist ákveðna grundvallar færni í greininni. Farið er yfir helstu atriði í þjálffræði barna og mikilvægi þess að leikurinn sé greindur sundur í stuttar einingar, leikæfingar. Nemendur þjálfist í kennslu knattspyrnu. Áfanginn er bóklegur og verklegur.
Þekkingarviðmið
Nemandi skal hafa öðlast þekkingu og skilning á:
- að leiðbeina börnum á mismundandi aldri í knattspyrnu með grunnatriði sem markmið
- leikfræði
- skipulagi á þjálfun fyrir börn og unglinga
- leikreglum
- helstu þjálfunaraðferðir
- mikilvægi á fjölbreyttum tækni- og leikæfingum í knattspyrnu
Leikniviðmið
Nemandi skal hafa öðlast leikni í að:
- Búa til tímaseðla fyrir mismunandi aldur knattspyrnu iðkanda
- beita flautu og dæma knattspyrnu
- beita mismunandi þjálfunaraðferðum með ákveðin markmið að leiðarljósi svo sem þol, kraft og tækni
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- geta leiðbeint ýmsum aldurshópum í knattspyrnu
- geta búið til tímaseðla, vikuáætlun og mánaðaráætlun með ákveðinn aldur í huga
- geta beitt fjölbreyttum aðferðum við knattspyrnuþjálfun í samráði við kennara
Námsmat
Leiðsagnarmat- mæting/virkni