Í þessum áfanga eru samþætt náttúruvísindi og enska með áherslu á fræðilegan orðaforða. Nemendur kynnast ýmsum hugtökum og aðferðum náttúruvísinda með lestri, umræðum og verkefnavinnu á ensku. Sérstök áhersla er lögð á að efla færni nemenda í að afla sér upplýsinga úr enskum vísindatextum, vinna með gögn og miðla niðurstöðum á skýru og faglegu máli. Verkefnin eru byggð á IELTS tungumálaprófinu.
Áfanginn tengist vettvangsnámi í Edinborg í Skotlandi þar sem nemendur heimsækja náttúrutengd söfn og áhugaverða staði. Heimsóknirnar eru nýttar til að tengja saman fræðilega þekkingu og raunverulegt vísindastarf, með áherslu á náttúrufræði, rannsóknir, sjálfbærni og hlutverk vísinda í samfélaginu. Nemendur vinna einstaklings- og hópverkefni sem byggja á athugunum, heimildavinnu og kynningum á ensku. Lokaafurðin er ferilbók þar sem nemendur safna sínum verkefnum og nota hana sem dagbók í ferðinni.
Þekkingarviðmið
Nemandi skal hafa öðlast þekkingu og skilning á:
- helstu hugtökum og viðfangsefnum náttúruvísinda sem tengjast líffræði, umhverfisfræði og jarðvísindum
- mikilvægi vísinda í þróun samfélags, tækni og sjálfbærrar framtíðar
- uppbyggingu vísindagreina og fræðilegra heimilda á ensku
- sérhæfðum orðaforða sem notaður er í náttúruvísindum og vísindalegri umfjöllun
- vísindastarfi, rannsóknarumhverfi og háskólanámi á alþjóðlegum vettvangi
- helstu náttúrufræðilegu viðfangsefnum sem koma fram í heimsóknum d. á söfn
Leikniviðmið
Nemandi skal geta:
- lesið og skilið fjölbreytta vísindatexta á ensku og greint meginatriði þeirra
- aflað upplýsinga úr áreiðanlegum enskum heimildum og nýtt þær í verkefnavinnu
- beitt viðeigandi náttúruvísindalegum og fræðilegum orðaforða í ræðu og riti
- tekið þátt í umræðum á ensku um náttúruvísindaleg málefni
- unnið úr upplýsingum sem safnað er í vettvangsferðum og tengt þær við fræðilegt efni
- skipulagt, unnið og kynnt verkefni á ensku með notkun fjölbreyttra miðlunarleiða
Hæfniviðmið
Nemandi skal geta:
- metið og greint náttúruvísindalegar upplýsingar á gagnrýninn hátt
- tengt þekkingu úr náttúruvísindum við raunveruleg viðfangsefni og áskoranir samfélagsins
- sýnt sjálfstæði og ábyrgð við öflun, úrvinnslu og miðlun upplýsinga
- unnið með öðrum að lausn verkefna og tekið virkan þátt í faglegum samskiptum á ensku
- miðlað niðurstöðum rannsókna, athugana og heimildavinnu á skýran og faglegan hátt
- ígrundað eigið nám og gert sér grein fyrir möguleikum til áframhaldandi náms og starfs á sviði náttúruvísinda.
Námsmat
Námsmat byggist á virkri þátttöku, verkefnavinnu fyrir og eftir vettvangsferð, rannsóknar- og heimildaverkefnum, kynningum á ensku og dagbókarskrifum/ferilbók.