Áfanginn er framhald af fyrsta stigi (ÍSAN1AA05) og hentar þeim sem hafa öðlast grunnfærni í íslensku. Áfanginn samsvarar A1 – A2 í evrópska tungumálarammanum. Í áfanganum er lögð áhersla á íslenskan orðaforða sem tengist nærumhverfi nemenda, framburð, hlustun, lestur og ritun. Unnið er með alla færniþætti jafnt því markmiðið er að nemendur geti skilið og tjáð sig á íslensku um sjálfa sig og nærumhverfi sitt. Málnotkun sem tengist daglegu málið, þ.m.t. sagnbeygingar í nútíð og þátíð.
Þekkingarviðmið
Nemandi skal hafa öðlast þekkingu og skilning á:
- orðaforða og málnotkun sem tengist nærumhverfi og daglegum athöfnum
- lestur stuttra texta um kunnugleg málefni
- frásögn í nútíð og þátíð
Leikniviðmið
Nemandi skal hafa öðlast leikni í að:
- lesa einfalda texta og greina innihald
- segja frá eigin athöfnum í nútíð og þátíð
- tjá sig í ræðu og riti um athafnir og atriði sem tengjast nærumhverfi þeirra
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- tjá sig á einfaldri íslensku um eigin athafnir og nærumhverfi sitt
- fara eftir munnlegum og skriflegum leiðbeiningum
- segja frá og skilja þegar aðrir segja frá eigin athöfnum
Námsmat
Leiðsagnarmat þar sem vinna nemenda er metin jafnóðum allan námstímann. Til grundvallar matsins eru fjölbreytt verkefni úr ólíkum efnisþáttum.