Í áfanganum er lögð áhersla á að nemendur læri um hlutverk og framkomu þjálfara í íþróttastarfi, sérstaklega við þjálfun barna á aldrinum þriggja til tólf ára. Íþróttaskólar og hreyfistundir með ungum börnum verða tekinn sérstaklega fyrir. Töluverð áhersla er lögð á hreyfiþroska og sálrænan þroska barna. Lögð er áhersla á skipulag þjálfunar, áætlanagerð og markmiðssetningu. Nemendur fá undirstöðuþekkingu í kennslu- og aðferðafræði íþrótta og þjálfun. Farið verður yfir upphitun bæði almenna og sérhæfða Einnig er lögð áhersla á að nemendur læri um uppbyggingu frjálsra félagasamtaka, sérstaklega íþróttafélaga. Nemendur læra um mikilvægi stefnumótunar og skrásetningar markmiða í félagsstarfi, um uppbyggingu félaga og kynnist skipulagi og helstu skipuritum sem starfað er eftir. Áfanginn er bæði bóklegur og verklegur.
Þekkingarviðmið
Nemandi skal hafa öðlast þekkingu og skilning á:
- hlutverki þjálfara í íþróttum
- að skipuleggja þjálfun og markmið hennar
- helstu þroskaþáttum barna
- tilgang upphitunar
- uppbyggingu frjálsra félagasamtaka
- starfsemi íþróttafélaga, sérgreina- og fjölgreinafélaga
- mikilvægi samvinnu og hópstarfs í frjálsum félagasamtök
- gera sér grein fyrir hlutverki sínu sem fyrirmynd
Leikniviðmið
Nemandi skal hafa öðlast leikni í að:
- skipuleggja einstakar æfingastundir ýmsa aldurshópa
- greina á milli þjálfunar barna og fullorðinna
- nýta sér upplýsingatækni við skipulag þjálfunar
- framkvæma hreyfistundir fyrir börn á mismunandi aldursstigum
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- geta stjórnað æfinga tíma barna með þroska þeirra í huga
- geta stjórnað upphitun fyrir alla aldurshópa
- geta útbúið tímaseðla með ákveðin markmið í huga
- geti skipulagt þjálfun til skemmri og lengri tíma með mismunadi markmið í huga
- afla sér upplýsinga á ýmsum miðlum til að vinna með í uppsetningu æfingatíma
Námsmat
Leiðsagnarmat þar sem vinna nemenda er metinn jafn óðum allan námstímann. Til grundvallar eru fjölbreytt verkefni og eða próf úr ólíkum efnisþáttum.