Innritun nemenda á starfsbraut í Menntaskóla Borgarfjarðar hefst í dag  1. febrúar og stendur til 28. febrúar. Umsækjendur sækja um skólavist á menntagatt.is  Umsækjendum og foreldrum eða forráðamönnum  er bent á að hafa samband við skrifstofu skólans ef spurningar vakna. Einnig eru þeir velkomnir  að heimsækja skólann og kynna sér starf hans á innritunartímabilinu.

Í gær var dregið um keppnislið í fyrri umferð Gettu betur sem fram fer nú í janúar. Lið MB mætir Fjölbrautaskólanum í Garðabæ 10. janúar á RUV.  Lið MB skipa þau Elín Björk Sigurþórsdóttir, Ernir Ívarsson og Kolbrún Líf Lárudóttir. Varamenn eru Árni Hrafn Hafsteinsson og Dagbjört Rós Jónasdóttir. Þjálfari er Ólöf Björk Sigurðardóttir.

Hinn árlegi jólapeysudagur nemenda og starfsfólks MB var í dag. Nemendur og starfsfólk mættu til vinnu í jólapeysum í tilefni dagsins (sjá má fleiri myndir á facebook síðu MB).

Í MB í dag á degi íslenskrar tungu fór fram ljóðasamkeppni á meðal nemenda. Keppnin fór þannig fram að allir hópar fengu eina blaðsíðu úr sömu bók og áttu að vinna með þau orð sem þar komu fyrir. Mikil ánægja var með þátttöku nemenda sem unnu að ljóðagerðinni bæði sem einstaklings- og hópaverkefni.  Sigurvegarinn var Eygló Sunna með eftirfarandi ljóð: …

Opið fyrir umsóknir dagana 1. – 30. nóvember. Sameiginlegt umsóknartímabil framhaldsskóla sem bjóða upp á innritun fyrir nám á vorönn 2023 verður dagana 1. – 30. nóvember. Skráning fer fram rafrænt á menntagatt.is  Nánari upplýsingar um skráningu gefur skrifstofa skólans í síma 4337700

Varða 2 – námsmatsdagur. Nemendur fá endurgjöf frá kennurum í öllum áföngum. Kennsla fellur niður vegna námsmats fimmtudaginn 27. október.  Vetrarfrí er dagana 28. október og 31. október. Kennsla hefst samkvæmt stundaskrá 1. nóvember. Njótið frísins 🙂

Úskriftarnemar við MB vinna nú að lokaverkefnum sínum við skólann. Viðfangsefni nemenda eru fjölbreytt, m.a. má nefna alkóhólisma, konur í tölvunarfræði, barátta íslenskra kvenna (kvennréttindi), riðuveiki í sauðfé, ADHD fullorðina og biðtími greiningar, svarti dauði á Íslandi, ættleiðingar, uppeldisaðferðir og leiðir, ADHD og leiðsagnarnám o.fl. Nemendur kynntu verkefni sín og svöruðu fyrirspurnum á málstofu sem haldin var fimmtudaginn 13. október …

Síðustu tvö ár hefur KVAN komið og verið með námskeið fyrir nýnema hér við MB. Í gær var fyrsti dagurinn af þremur á þessari önn. Farið er yfir markmiðasetningu, styrkleikaþjálfun, “lífshjólið” samvinnu og þægindarhringinn. Við erum stolt og ánægð með þessa flottu samvinnu!

Miðvikudagurinn 21. september er námsmatsdagur (varða nr. 1). Kennsla fellur niður þennan dag, en nemendur gætu þurft að mæta í viðtal hjá kennara eða ljúka einhverjum verkefnum. Kennarar munu senda upplýsingar um það til nemenda.

Kosningu í stjórn Nemendafélags Menntaskóla Borgarfjarðar fyrir skólaárið 2022 – 2023 er lokið. Nýju stjórnina skipa þau Vilhjálmur Ingi Ríkharðsson formaður, Thelma Rögnvaldsdóttir ritari, Kolbrún Katla Halldórsdóttir meðstjórnandi, Edda María Jónsdóttir gjaldkeri og Alexander Jón Finnsson skemmtanastjóri.