Í Menntaskóla Borgarfjarðar er iðkað öflugt menntaskólastarf þar sem nemendur sýna mikinn metnað og elju í námi. Snæþór Bjarki Jónsson er einn af þeim nemendum MB sem sýnir mikinn metnað í námi sem og félagsstörfum innan skólans en hann er formaður Nemendafélags Menntaskóla Borgarfjarðar, NMB. Snæþór er fyrirmyndarnemandi sem eðli málsins samkvæmt sinnir námi sinni af kostgæfni en að sama …

Skólastarf á vorönn hefst mánudaginn 7. janúar næstkomandi. Nýnemar fá stundaskrár sínar sendar í tölvupósti 4. janúar en kennsla hefst samkvæmt stundaskrá klukkan 8:20 þann 7. janúar. Stundaskrár eldri nemenda eru þegar aðgengilegar á Innu en þó með fyrirvara um lítilsháttar breytingar. Skólagjöld fyrir vorönn eru 12.000 krónur og samanstanda af 7.000 króna innritunargjaldi og 5.000 króna þjónustugjaldi. Eindagi þessara …

Starfsfólk Menntaskóla Borgarfjarðar óskar nemendum, foreldrum og öllum velunnurum skólans gleðilegra jóla og farsældar á komandi ári. Skrifstofa skólans verður lokuð frá 21. desember til  3. janúar. Hafa má samband við skólameistara  á netfangið gudrunbjorg@menntaborg.is ef um brýnt erindi er að ræða. Kennsla hefst að loknu jólaleyfi þann 7. janúar kl. 8.20 samkvæmt stundaskrá.

Tveir nemendur útskrifuðust frá Menntaskóla Borgarfjarðar í dag 20. desember 2018. Ásta Guðný Unnsteinsdóttir útskrifaðist af Opinni braut og Dagrún Irja Baldursdóttir af Náttúrufræðibraut. Við óskum þeim innilega til hamingju með þennan góða árangur en formleg útskrift verður í maí. Á myndinni má sjá Ástu ásamt Guðrúnu Björgu skólameistara.

Í dag var jólapeysudagur í MB þar sem nemendur og starfsfólk klæddust hinum ýmsu gerðum af jólapeysum. Fjölbreyttnin var mikil og mjög skemmtilegt uppbrot á venjulegum degi.

Nemendafélag Menntaskóla Borgarfjarðar stóð fyrir Mæðgna- og mæðginakvöldi í gærkveldi.  Kvöldið byrjaði á léttu spjalli og piparkökumálun í matsal skólans en uppúr klukkan 21:00 mætti Sigga Kling og var með uppistand sem kitlaði hláturtaugar nærstaddra.Kvöldið þótti heppnast einstaklega vel og er mömmum, dætrum og sonum sérstaklega þakkað fyrir ánægjulega kvöldstund.

Enn er tekið við umsóknum um skólavist í MB fyrir vorönn 2019. Áhugasamir hafi samband beint á skrifstofu skólans í síma 433-7700. Umsóknareyðublað er að finna á heimasíðu skólans.

Opið fyrir umsóknir dagana 1. – 30. nóvember. Sameiginlegt umsóknartímabil framhaldsskóla sem bjóða upp á innritun fyrir nám á vorönn 2019 verður dagana 1. – 30. nóvember. Skráning fer fram rafrænt á menntagatt.is  Nánari upplýsingar um skráningu gefur skrifstofa skólans í síma 4337700

Menntaskóli Borgarfjarðar er í vetrarfríi föstudaginn 2. nóvember og skólinn lokaður. Sjáumst hress á mánudagsmorgun.

Stefnumótunardagur, sem haldinn var í MB á þriðjudaginn, tókst vel og voru nemendur þar í fararbroddi hvað varðar hugmyndavinnu og þátttöku í verkefnum tengdum stefnu skólans. Fyrir hádegi var dagskráin blanda af samhristingi, fræðslu og umræðu um sérstöðu skólans. Eftir hádegi unnu nemendur og starfsfólk í smiðjum eftir áhugasviði og áttu að móta hugmyndir og útfæra þær í takt við …