Category Archive

Dagur íslenskrar tungu var þriðjudaginn 16. nóvember.  Hann var haldinn hátíðlegur í Borgarnesi með dagskrá í Mennta- og menningarhúsi Borgarbyggðar í Borgarnesi.  Dagurinn hófst á því að Katrín Jakobsdóttir, mennta- og menningarmálaráðherra og fylgdarlið snæddi hádegisverð í boði Menntaskólans.  Formleg dagskrá hófst kl 13:00 í hátíðarsal skólans.  Sýnd voru atriði frá nemendum Grunnskólans í Borgarnesi og nemendum í Menntaskóla Borgarfjarðar.

Nemar í félagsfræði 304 héldu í gær ásamt kennara sínum í vettvangsheimsókn til Reykjavíkur. Heimsóknin var liður í námi í stjórnmálafræði og voru valdastofnanir þjóðarinnar skoðaðar. Fyrst var veitt leiðsögn um löggjafarsamkunduna Alþingi. Þingmenn eru þessa vikuna í kjördæmaviku svonefndri og var því rólegt og fámennt í Alþingishúsinu. Fengu nemendur ágætis fræðslu bæði um húsið, starfsemina og hlutverk löggjafarþingsins í …

Miðvikudaginn 13. október sl. fór fram stærðfræðikeppni framhaldsskólanema. Þessi keppni er í tveimur stigum, neðra og efra stigi. Neðra stigið er ætlað nemendum sem hafa lokið eða eru í stæ 303/4 en það efra nemendum sem eru í stæ 403/4 eða ofar. MB átti einn fulltrúa í keppninni að þessu sinni en það var Alexander Gabríel Guðfinnsson. Er skemmst frá …

Guðmundur Steingrímsson, þingmaður framsóknarmanna í norðvesturkjördæmi kom í heimsókn síðastliðinn föstudag og ræddi við nemendur í félagsfræði 304, sem fjallar um stjórnmálafræði. Guðmundur svaraði ýmsum spurningum nemenda, t.d. varðandi laun þingmanna, stefnumál sín, Evrópumálin, ríkisstjórnina, kreppuna og fortíð og nútíð Framsóknarflokksins

Fulltrúar skólans fóru í liðinni viku til Izmir í Tyrklandi vegna undibúnings og áætlanagerðar vegna Comeniusarverkefnis skólans. Verkefnið heitir „Migration and cultural influences“ og fjallar um fólksflutninga og áhrif þeirra. Auk MB taka Telheiras 23 skólinn í Lissabon í Portúgal, Leibnizschule í Hannover í Þýskalandi, Groevenbeek frá Ermelo í Hollandi og Atakent Anadolu Lisesi frá Izmir í Tyrklandi þátt í …

Menntaskóli Borgarfjarðar hefur frá upphafi lagt mikla áherslu á dans og danskennslu. Nú hafa verið útbúin kennslumyndbönd í dansi sem eru aðgengileg hér á vef skólans. Þau eru hugsuð fyrir nemendur skólans og aðra áhugasama sem vilja æfa hin ýmsu dansspor.

Eitt af því sem við höfum gert í ferðamálafræði var að fara í litlum hópum á veitingastaði á svæðinu og kanna aðstæður þar.  Við fórum á Landnámsetrið.  Þar skoðuðum við okkur um og tókum viðtal við starfsmann.  Þarna er margt í boði, það ber helst að nefna; Egils- og landnámssýningu, leiksýningar á veturna, veitingar og reglulegar sögustundir.

Krabbameinsfélagið hvetur fólk til að klæðast bleiku í dag og sýna með því samstöðu í baráttunni gegn krabbameini hjá konum. Nemendur í ferðamálafræði létu ekki sitt eftir liggja og mætti því Björgvin Óskar með bleika hárkollu í tilefni dagsins.

Þriðjudaginn 5. október fóru nemendur úr ferðamálafræði og rekstrarhagfræði í Búðardal. Í Búðardal heimsóttum við Mjólkursamlagið, gerðum verðkönnun í Dalakjör og svo að lokum fórum við á Eiríksstaði.