Innritun nemenda á starfsbraut í Menntaskóla Borgarfjarðar hefst þann 1. febrúar næstkomandi og stendur til 28. febrúar. Umsækjendur sækja sjálfir veflykil á menntagatt.is en að öðru leyti er þessi innritun með sama hætti og almenn innritun. Umsækjendur og foreldrar eða forráðamenn geta fengið aðstoð við rafræna innritun óski þeir eftir. Einnig er þeim bent á að hafa samband við skrifstofu …

Söngvakeppni Menntaskóla Borgarfjarðar fór fram fimmtudagskvöldið 1. febrúar sl. Flutt voru þrjú lög. Sigurvegari að þessu sinni varð hljómsveitin Pési og breiðnefirnir – en hana skipa þeir Kristján Guðmundsson á bassa, Pétur Snær Ómarsson á gítar, Guðjón Snær Magnússon í fjarveru Snæþórs Bjarka sá um trommuleikinn og Þórður Brynjarsson, söng. Allir þátttakendur stóðu sig mjög vel og var dómnefndinni því …

Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.lin.is Hægt er að skrá umsókn á Innu eða netbankanum! Umsóknarfrestur vegna vorannar 2018 er til 15. febrúar næstkomandi! 

Í dag var árlegur áskorendadagur starfsfólks og nemenda í Menntaskóla Borgarfjarðar. Starfsfólk og nemendur kepptu í mismunandi greinum með það að markmiði að hampa farandsbikarnum. Árið 2017 vann starfsfólk skólans en að þessu sinni höfðu nemendur betur í æsispennandi keppni. Dagurinn tókst vel og starfsfólk og nemendur MB nutu dagsins saman.

Nýlega var dregið um keppnislið í fyrri umferð Gettu betur sem fram fer nú í janúar. Lið MB mætir Fjölbrautaskólanum í Breiðholti á morgun 10. janúar kl. 20:00 á Rás 2.  Lið MB skipa þau Kristján Guðmundsson, Snæþór Bjarki Jónsson og Svava Björk Pétursdóttir.

Skólastarf á vorönn hefst föstudaginn 5. janúar næstkomandi. Nýnemar fá stundaskrár sínar sendar í tölvupósti 4. janúar en kennsla hefst samkvæmt stundaskrá klukkan 8:20 þann 5. janúar. Stundaskrár eldri nemenda verða aðgengilegar í Innu fimmtudaginn 4. janúar 2018. Skólagjöld fyrir vorönn eru 12.000 krónur og samanstanda af 7.000 króna innritunargjaldi og 5.000 króna þjónustugjaldi. Eindagi þessara gjalda er 4. janúar. …

Starfsfólk Menntaskóla Borgarfjarðar óskar nemendum, foreldrum og öllum velunnurum skólans gleðilegra jóla og farsældar á komandi ári. Skrifstofa skólans verður lokuð frá 21. desember til  3. janúar. Hafa má samband við skólameistara  á netfangið gudrunbjorg@menntaborg.is ef um brýnt erindi er að ræða. Kennsla hefst að loknu jólaleyfi þann 5. janúar kl. 8.20 samkvæmt stundaskrá.

Sex nemendur, Ágúst Vilberg Jóhannsson, Ásbjörn Baldvinsson, Darja Kozlova, Freyja Ragnarsdóttir Pedersen, Styrmir Ingi Stefánsson og Svava Sjöfn Kristjánsdóttir,  útskrifuðust með stúdentspróf frá Menntaskóla Borgarfjarðar í dag 21. desember.  Við óskum þeim innilega til hamingju með þennan góða árangur. Á myndinni má sjá Ásbjörn, Darju og Svövu ásamt Guðrúnu Björgu skólameistara.

Árlegi jólapeysudagur MB er í dag. Af því tilefni mættu nemendur og starfsfólk í sínum uppáhaldsjólapeysum í skólann (sjá má fleiri myndir á facebook síðu MB)

Nú fer í hönd heimsátakið „Bréf til bjargar lífi“ á vegum Amnesty International og eins og fyrri ár verður hægt að taka þátt í Borgarnesi. Föstudaginn 8. desember klukkan 12:00 verður kaffihúsastemmning í Menntaskóla Borgarfjarðar. Þar kemur Christian Rølla sem er ljósmyndari og hefur verið að mynda og kynnast flóttafólki, aðallega í Írak og segir frá reynslu sinni og sýnir …