Kvikmyndaskóli Íslands verður með kynningu kl. 11:20 – 12:00 fimmtudaginn 6. apríl í stofu 100. Nemendur eru sérstaklega hvattir til að mæta. Allir velkomnir!

Hluti af náminu í Menntaskóla Borgarfjarðar felst í því að undir námslok vinna nemendur svokölluð lokaverkefni. Lokaverkefni er einstaklingsverkefni þar sem ríkar kröfur eru gerðar um sjálfstæð og vönduð vinnubrögð. Lokaverkefnin veita nemendum tækifæri til að dýpka skilning sinn á afmörkuðu sviði og gegna mikilvægu hlutverki við að þjálfa þá í að beita viðurkenndum aðferðum við meðferð heimilda, rannsókn eða …

Á morgun 24. febrúar er vetrarfrí í Menntaskóla Borgarfjarðar og skólinn því lokaður.

Leikritið Lína Langsokkur er nú í sýningu í Menntaskóla Borgarfjarðar í uppsetningu leikhópsins Sv1. Frumsýning var föstudaginn 17. febrúar og gekk vonum framar. Leikhópurinn ákvað að bjóða Guðna Th. Jóhannessyni forseta Íslands og fjölskyldu hans að koma á sýninguna sunnudaginn 19. febrúar og þáði hann það boð og mætti ásamt konu sinni, Elizu Reid, og tveimur yngstu börnunum sínum. Það …

Æfingar á barnaleikritinu Lína langsokkur standa nú yfir af fullum krafti í Hjálmakletti. Fjöldi nemenda tekur þátt í sýningunni. Með hlutverk Línu langsokk fer Íris Líf Stefánsdóttir, Phoebe Grey leikur herra Níels, Hafrún Birta Hafliðadóttir fer með hlutverk Önnu og Bjarni Freyr Gunnarsson leikur Tomma. Leikstjóri er Geir Konráð Theodórsson. Frumsýning verður nk. föstudag 17. febrúar kl. 18.

Í dag tóku nemendur og starfsfólk Menntaskóla Borgarfjarðar á móti 5 kennurum frá Nannestad Videregående skole sem er framhaldsskóli staðsettur í Noregi, ekki svo langt frá Osló. Norsku kennararnir vildu kynna sér starfshætti MB, ræða við kennara, hitta nemendur og kanna möguleika á samstarfi milli skólanna tveggja. Heimsóknin gekk vel og ákveðnar hugmyndir komu upp milli íslensku og norsku kennaranna …

Menntaskóli Borgarfjarðar er þátttakandi í KOMPÁS Þekkingarsamfélaginu. Við hjá Menntaskóla Borgarfjarðar erum stoltir þátttakendur í KOMPÁS Þekkingarsamfélaginu. KOMPÁS er öflugur samstarfsvettvangur fjölda fyrirtækja, stofnana, háskóla, framhaldsskóla, sveitarfélaga, stéttarfélaga, fræðsluaðila og fleiri um miðlun hagnýtrar þekkingar.  Með samstarfinu er búið að byggja upp verkfærakistu atvinnulífs og skóla. Verkfærakista sem fer sífellt stækkandi og inniheldur nú yfir 2.000 skjöl, reiknivélar, eyðublöð, gátlista, …

Í dag var árlegur áskorendadagur starfsfólks og nemenda í Menntaskóla Borgarfjarðar. Starfsfólk og nemendur kepptu í mismunandi greinum með það að markmiði að hampa farandsbikarnum. Árið 2015 unnu nemendur en að þessu sinni hafði starfsfólk sigur úr býtum í æsispennandi bráðabana. Dagurinn tókst vel og starfsfólk og nemendur MB nutu dagsins saman.

Laugardaginn 4. febrúar keppti  boðhlaupssveit karla í nafni MB í framhaldsskólaboðhlaupi á Reykjavíkurleikunum en það er eitt flottasta frjálsíþróttamót sem hefur verið haldið á landinu. Var hlaupið 4*200m. Okkar sveit stóð sig mjög vel og lenti í 4. sæti. Boðhlaupssveitina skipuðu: Arnar Smári Bjarnason, Bjarni Guðmann Jónsson, Jóhannes Valur Hafsteinsson og Steinþór Logi Arnarsson.

Í dag og á morgun (2. – 3. feb) munu 9 nemendur úr MB taka þátt í Háskólaherminum sem fram fer í HÍ. Í Háskólaherminum gefst nemendum í framhaldsskólum tækifæri til þess að kynnast námsframboði Háskóla Íslands og vera þátttakendur í háskólasamfélaginu. Nemendur fá að heimsækja fræðasvið háskólans og leysa ýmis verkefni sem tengjast námi og störfum viðkomandi sviða.