Nemendur sem útskrifast í vor dimmittera í dag. Krakkarnir fóru um bæinn og vöktu kennara með söng og glensi í morgun og borðuðu svo morgunverð með kennurum og starfsfólki í skólanum. Síðan var haldið út í vorið og litið við á ýmsum stöðum í bænum. Klukkan 11.20 hefst svo skemmtidagskrá dimmittenda í  hátíðarsal skólans og eru allir velkomnir. Útskrift verður …

Nemendur í líffræði fengu nýlega það óvenjulega verkefni að kryfja tvær tófur sem voru skotnar  í landi Brennistaða í Flókadal. Krufning á læðunni leiddi í ljós 7 nær fullburða yrðlinga.  Verkefnið gaf nemendum góðar upplýsingar um líffærafræði spendýra. Þeir nemendur sem ekki treystu sér til að koma beint að krufningunni fengu að fylgjast með úr fjarlægð.

Berglind Ýr Ingvarsdóttir útskrifast í júní af sameiginlegri braut Menntaskóla Borgarfjarðar og búfræðibraut Landbúnaðarháskóla Íslands á Hvanneyri. Hún útskrifast því samtímis með stúdentspróf af búfræðisviði náttúrufræðibrautar og búfræðipróf. Nemendur þessarar sameiginlegu brautar taka fyrstu tvö námsárin í menntaskólanum og leggja þá áherslu á kjarnagreinar til stúdentsprófs og valdar greinar á sviði raunvísinda. Síðan taka við tvö ár í búfræðinámi á …

Í byrjun mars fóru starfsmenn MB í náms- og kynnisferð til Glasgow. Þrír skólar voru heimsóttir í ferðinni, Glasgow University, Glasgow Kelvin College og High School of Glasgow. Meðfylgjandi frétt birtist nýverið á vef síðastnefnda skólans. http://www.glasgowhigh.com/news/2015/march/visitors-from-iceland/ Við fengum sérlega góðar móttökur í skólunum þremur og mikla fræðslu um menntakerfið skoska og kennslu á öllum skólastigum.

Vorið 2013 var í fyrsta sinn kennd kynjafræði við MB. Hluti af þeim áfanga var að fara í vettvangsferð til Reykjavíkur að hitta ýmsa sérfræðinga í málefnum kynjanna. Í spjallhópi kynjafræðikennara kom í kjölfarið upp sú hugmynd að halda málþing kynjafræðinema og stefnt var að því að gera það vorið 2014. Vegna verkfalls framhaldsskólakennara var því málþingi frestað til haustsins. …