Meðlimir leikfélagsins Sv1 hafa lagt hart að sér við æfingar á söngleiknum Rocky Horror Show undanfarnar vikur. Frumsýning verður föstudaginn 28. nóvember næstkomandi kl. 20:00. Nú þegar er uppselt á frumsýninguna og aðeins nokkrir miðar eftir á svokallaða „power“ sýningu sem verður föstudaginn 5. desember. Aðrar sýningar sem fyrirhugaðar eru verða 1., 3. og 7. desember. Áhugasamir geta nálgast miða …
Menntaskóli Borgarfjarðar er einn af 12 skólum sem mynda Fjarmenntaskólann. Þann 6. og 7. nóvember var haldinn stjórnarfundur í Fjarmenntaskólanum þar sem rætt var um stöðu, stefnu og framtíðarsýn. Helstu niðurstöður voru þær að samstarf innan Fjarmenntaskólans sé heppileg leið til að efla skólana hvern og einn og að samstarfið geri skólunum kleift að vinna að verkefnum sem mun erfiðara …
Nemendagarðar Menntaskóla Borgarfjarðar fengu nýverið 100.000 króna styrk frá Lionsklúbbnum Öglu í Borgarnesi. Styrkurinn kemur í góðar þarfir en honum verður varið í að kaupa náttborð. Á myndinni sést Guðrún Björg Aðalsteinsdóttir skólameistari taka við styrknum frá Maríu Guðmundsdóttur fulltrúa Öglukvenna.
21 nemandi af náttúrufræðibraut heldur á laugardaginn kemur til Kalmar í Svíþjóð ásamt Þóru Árnadóttur kennara og Leifi Guðjónssyni stuðningsfulltrúa. Þetta er önnur námsferð nemenda MB til samstarfsskólans Calmare internationella skola (CIS). Samstarfsverkefni skólanna er styrkt af Nordplus Junior og dugir styrkurinn til að borga allan ferðakostnað og uppihald að hluta. Í því taka þátt nemendur á öðru til þriðja …
Opið fyrir umsóknir dagana 1.-30. nóvember. Sameiginlegt umsóknartímabil framhaldsskóla sem bjóða upp á innritun fyrir nám á vorönn 2015 verður dagana 1.-30. nóvember. Skráning fer fram rafrænt á menntagatt.is Nánari upplýsingar um skráningu gefur skrifstofa skólans í síma 4337700
Eins og fram hefur komið var hefðbundin kennsla lögð til hliðar nú í vikunni og þess í stað unnu nemendur að fjölbreyttum verkefnum innan skóla og utan. Í morgun var svo haldin nokkurs konar uppskeruhátíð. Kynfræðingurinn Sigga Dögg hélt fyrirlestur um kynlíf og kynhegðun og að því loknu kynntu nemendur afrakstur vikunnar. Loks var boðið upp á heitt kakó, samlokur …
Þriðjudaginn 28. október héldu nemendur úr stjórnmálafræðiáfanga og af starfsbraut í vettvangsferð til Reykjavíkur. Tilgangurinn var að kynnast lýðræðinu með skoðunarferð um Alþingishúsið auk þess að hitta þrjá þingmenn. Vel var tekið á móti hópnum og þingmenn NV-kjördæmis, þeir Haraldur Benediktsson, þingmaður Sjálfstæðisflokksins og Ásmundur Einar Daðason, þingmaður Framsóknarflokksins, auk Guðmundar Steingrímssonar frá Bjartri framtíð tóku á móti hópnum. Þeir …
Dagana 27. – 31. október næstkomandi verður skólastarfið í MB með heldur nýstárlegum hætti. Hefðbundin kennsla verður lögð niður en þess í stað munu nemendur vinna að ýmsum verkefnum í stærri og minni hópum. Slíkt uppbrot á skólastarfi tíðkast víða í framhaldsskólum og er kærkomin tilbreyting fyrir bæði nemendur og kennara. Meðal þess sem fram fer í vikunni má nefna …
Algengt er að svokallaðir gestafyrirlesarar heimsæki Menntaskóla Borgarfjarðar og kynni margvísleg málefni. Nýverið bar þó svo við að gestafyrirlesari kom úr röðum nemenda. Torfi Lárus Karlsson, nemandi á öðru ári í MB, sagði samnemendum sínum í líffræðiáfanga frá sjúkdómnum „lymphatic malformations“ og sýndi myndir sem tengjast ævilangri glímu hans við sjúkdóminn. Sjúkdómurinn, sem er afar sjaldgæfur, lýsir sér með ofvexti …
Verkefnið Heilsueflandi framhaldsskóli byggist á þeirri stefnu að nálgast forvarnir út frá víðtæku sjónarhorni í því skyni að auka vellíðan og bæta árangur nemenda, kennara og annars starfsfólks skólanna. Verkefnið er unnið í samráði við mennta- og menningarmálaráðuneytið, velferðarráðuneytið og Samband íslenskra framhaldsskólanema (SÍF), undir formerkjum HoFF samstarfsins (heilsuefling og forvarnir í framhaldsskólum). Höfuðáhersla verkefnisins er á fjögur viðfangsefni, þ.e. …