West Side er samstarfsverkefni Menntaskóla Borgarfjarðar, Fjölbrautaskóla Vesturlands og Fjölbrautaskóla Snæfellinga og hefur staðið um nokkurra ára skeið. Á West Side hittast nemendur skólanna, keppa í ýmsum greinum og dagskránni lýkur með balli. West Side var að þessu sinni haldið í Ólafsvík þann 4. október síðastliðinn. Rúmlega 40 nemendur frá MB lögðu leið sína til Ólafsvíkur. Keppt var í blaki, …
Styrkþegar úr MB
Að minnsta kosti þrír fyrrum nemendur Menntaskóla Borgarfjarðar hafa hlotið námsstyrki sem veittir eru framúrskarandi námsmönnum nú á haustönn. Ólöf Sunna Gautadóttir hlaut styrk úr Samfélagssjóði Landsbankans. Í frétt frá bankanum kemur fram að dómnefndin leitaðist við að velja metnaðarfulla, framúrskarandi námsmenn með framtíðarsýn sem nefndin taldi líklega til að auðga íslenskt samfélag í framtíðinni. Ólöf Sunna stundar grunnnám í …
Áheyrnarprufur vegna Litlu hryllingsbúðarinnar
Hinn sívinsæli söngleikur, Litla hryllingsbúðin eftir Menken og Ashman, er verkefni Leikfélags Menntaskóla Borgarfjarðar nú á haustönn. Tónlistin í Litlu hryllingsbúðinni er í anda sjöunda áratugar 20. aldar. Mörg þekkt lög eru í söngleiknum; nefna má Þú verður tannlæknir og Gemmér sem Íslendingum eru að góðu kunn. Litla hryllingsbúðin hefur verið sett á svið víða um heim og hefur löngum …
Nýr húsvörður
Guðmundur Jónsson hefur tekið við starfi húsvarðar við Menntaskóla Borgarfjarðar. Um er að ræða 60% starf við umsjón húsnæðis MB og Borgarbyggðar auk verkefna sem tengjast útleigu hátíðarsalarins, Hjálmakletts.
Vettvangsferð í félagsfræði
Námshópur í félagsfræði 304, sem er stjórnmálafræðiáfangi ákvað á dögunum að halda í vettvangsferð. Valið var að fara til Reykjavíkur að heimsækja Valhöll, höfuðvígi Sjálfstæðismanna, skrifstofur Samfylkingarinnar og Ráðhús Reykjavíkur. Afar vel var tekið á móti hópnum á öllum stöðunum. Guðlaugur Þór Þórðarsson, þingmaður, fyrrverandi ráðherra Sjálfstæðisflokksins og Borgnesingur tók á móti hópnum í Valhöll. Hann, ásamt Sigríði, kynningar- og …
Holl hreyfing – hjólum í skólann þriðjudaginn 18. september nk.
Ódýr og holl hreyfing – hjólum í skólann. Í tengslum við Heilsueflandi skóla og Evrópska samgönguviku 16. til 22. september eru nemendur og starfsmenn skólans hvattir til að hjóla í skóla/vinnu á þriðjudaginn í næstu viku, þ.e. 18. september. Reynum svo að fanga stemninguna á mynd – gætum unnið verðlaun fyrir skemmtilegustu myndina.
Nýstúdent frá MB hlýtur styrk frá Háskólanum í Reykjavík
Háskólinn í Reykjavík veitti nú nýverið styrki til afburðanemenda í skólanum. Á meðal þeirra sem hlutu nýnemastyrk í grunnnámi er Axel Máni Gíslason en hann útskrifaðist af náttúrufræðibraut Menntaskóla Borgarfjarðar í vor. Axel Máni leggur stund á tölvunarfræði við HR. 56 nemendur hlutu styrk af forsetalista skólans, en það eru þeir nemendur sem náð hafa bestum árangri í hverri deild …
Kynning á starfi Nemendafélags Menntaskóla Borgarfjarðar
Nemendafélag Menntaskóla Borgarfjarðar (NMB) efnir til kynningar á starfsemi sinni miðvikudagskvöldið 12. september. Kynningin verður í Mími, í kjallara skólans, og hefst klukann 20:00. Fulltrúar allra klúbba sem starfandi eru í skólanum kynna vetrarstarfið og nemendur geta skráð sig í þá klúbba sem þeir hafa áhuga á að starfa með. Meðal klúbba sem starfræktir eru í skólanum má nefna hestaklúbb, …
Vetrarstarf skólakórsins að hefjast
Kór Menntaskóla Borgafjarðar hefur nú starfsemi sína að nýju að loknu sumarleyfi. Kórinn, sem var stofnaður haustið 2011, hefur komið fram við margvísleg tækifæri og vakið mikla athygli. Kóræfingar verða á þriðjudögum og hefjast klukkan 17:00. Stjórnandi kórsins er Jónína Erna Arnardóttir söngkona og tónlistarkennari. Nýir söngfuglar eru boðnir velkomnir í kórinn.
Stöðupróf í erlendum tungumálum verða haldin í MH 13. september
Stöðupróf á vegum mennta- og menningarmálaráðuneytisins verða haldin í Menntaskólanum við Hamrahlíð fimmtudaginn 13. september næstkomandi og hefjast klukkan 16.00. Prófað verður í eftirtöldum tungumálum: Albönsku, bosnísku, eistnesku, filippísku (tagalog og cebuano), finnsku, grísku, hollensku, japönsku, kínversku, króatísku, litháísku, portúgölsku, pólsku, rússnesku, serbnesku, slóvensku, taílensku, tékknesku, tyrknesku, Twi, ungversku, úkraínsku og víetnömsku. Rafræn skráning í stöðupróf fer fram á heimasíðu …