Fimmtudaginn 26. ágúst var haldinn 07-08-09-10 fundur. Þetta er fundur með öllum nemendum skólans og starfsfólki. Ársæll skólameistari fór yfir ýmsa þætti í starfi skólans eins og umgengni og skólareglur. Einnig fór hann yfir skóladagatalið og hvað er framundan í skólastarfinu. Lilja sagði stuttlega frá Innu og Námskjá. Fullrúar frá nemendafélaginu kynntu nemendafélagið og hvað væri framundan á vegum þess. …
Aðalfundur
Föstudaginn 27. ágúst verður aðalfundur Menntaskóla Borgarfjarðar ehf haldinn í skólanum að Borgarbraut 54. Á dagskrá eru venjuleg aðalfundarstörf og hefst fundurinn kl 14:00.
Nemendur koma til starfa
Föstudaginn 20. ágúst nk. eiga nýnemar að koma til starfa kl. 09:00 en þá hefst skólahald með sameiginlegum morgunverði nýnema og starfsfólks. Í framhaldi morgunverðarins fá nýnemar afhentar stundaskrár og fleiri gögn varðandi skólastarfið. Einnig fá nemendur afhentar fartölvur. Eldri nemendur koma til starfa sama dag kl. 13:00 og fá afhentar stundaskrár, fartölvur og önnur tilheyrandi gögn.
Foreldrafundur
Mánudaginn 23. ágúst kl 18:00 – 19:00 var fundur stjórnenda MB með foreldrum og forráðamönnum allra nemenda skólans. Á fundinum var almenn kynning á skólastarfinu og fulltrúar í stjórn nemendafélagsins verða með kynningu á starfssemi nemendafélagsins. Tími var til umræðna og fyrirspurna um allt sem snertir skólastarfið. Fundurinn verður í hátíðarsal skólans.
Skiptibókamarkaður NMB
Nemendafélag Menntaskóla Borgarfjarðar stendur fyrir skiptibókamarkaði í skólanum. Opið verður á frá 15:00 – 19:00 næstu daga. Þetta fer þannig fram að nemendur skila bókum og fá inneignarnótu á fyrir verðinu á bókunum sem var skilað. Ef keypt er fyrir meira en inneignarnótan segir þarf að borga strax en ef afgangur er af inneigninni verður borgað út í næstu viku. …
Skrifstofa skólans lokuð
Menntaskóli Borgarfjarðar verður lokaður frá og með 28. júní vegna sumarleyfa starfsfólks. Skrifstofa skólans verður opnuð miðvikudaginn 4. ágúst. Að venju hefst nýtt skólaár með sameiginlegum morgunverði nýnema og starfsfólks, sem verður að þessu sinni föstudaginn 20. ágúst kl. 9:00.
Nemendafjöldi haustönn 2010
Nú þegar innritun fyrir haustönn 2010 er lokið er fjöldi nemenda sem óskar eftir skólavist á komandi hausti 150. Þar af eru 29 nemendur sem luku 10. bekk í vor og 21 sem ekki var í skólanum nú á vorönn 2010. Í dag verður þeim sem fengu skólavist send með pósti staðfesting þess efnis og greiðsluseðlar vegna innritunargjalda.
Dimmitering
Nemendur sem útskrifast 5. júní eru að dimmitera í dag. Þau byrjuðu fjörið í nótt og kl. 7:30 var tekið á móti þeim í skólanum með morgunmat af starfsmönnum skólans. Setið var þar góða stund, rætt saman og gætt sér á góðgæti af morgunverðarhlaðborðinu.
Vordagur
Þriðjudaginn 25. maí var haldin vordagur í MB. Þetta var jafnframt síðasti dagur heimsóknar frá CIS skólanum frá Svíþjóð. Byrjað var á keppni í körfubolta á milli nemenda MB og CIS sem fór fram í Íþróttahúsinu. Lið nemenda MB vann stórsigur á þeim sænsku. Boðið var upp á sund eftir leikinn þar sem slakað var á í heitu pottunum.
Heimsókn frá Svíþjóð
Nú er hópur frá CIS framhaldsskólanum í heimsókn í MB. CIS skólinn er frá Kalmar í Svíþjóð. Hópur frá MB fór til Svíþjóðar í haust og hitti hópinn sem nú er komin til landsins. Verkefnið sem nemendur eru að vinna saman er að kanna auðlindir þessara tveggja landa og hvernig þær eru nýttar. Nemendur gista á heimilum nemenda MB. Þau …