Fjarnám

Fjarnám í MB er góður kostur fyrir þá sem ekki geta stundað nám á hefðbundin hátt.  Í fjarnámi hafa nemendur aðgang að kennara sínum á ákveðnum tímum í gegnum tölvusamskipti og öllu efni er miðlað á vefumsjónarkerfi. Verkefni eru þannig sett inn á kennslukerfi (Moodle) skólans sem nemendur fá aðgang að og þangað sækja nemendur verkefnin og skila einnig. Þá er í kerfinu að finna rafrænan vettvang fyrir umræður og innlegg þar sem nemendur geta skipst á skoðunum undir leiðsögn kennara. Í Menntaskóla Borgarfjarðar er mikil áhersla á verkefnamiðað nám þar sem nemendur þurfa að vera virkir og kennarar vinna sem leiðbeinendur eða verkstjórar. Fjarnemendur mæta aldrei í skólann en eru þó velkomnir í tíma ef það hentar. Samskipti nemenda og kennara fara að mestu leyti fram í gegnum tölvupóst en nemendur geta þó hringt til að fara yfir stöðuna með kennurum.

Námsefni og kröfur í fjarnámi MB eru þær sömu og í dagskóla og því nota fjarnemendur sömu kennslubækur og gögn og aðrir nemendur skólans.

Fjarnemar eiga rétt á að: 

  • kennarar skólans svari tölvupósti innan sólarhrings á skrifstofutíma
  • kennsluáætlun áfangans sé aðgengileg á Moodle ásamt fyrirmælum frá viku til viku

Námsmat:  Hver kennari velur hvers konar námsmat veitir bestar upplýsingar um nám nemenda. Í öllum áföngum er leiðsagnarmat og ekki sérstakur prófatími í lok annar. Þetta þýðir þó ekki að kennarar leggi ekki fyrir próf þegar það hentar.

Próf og prófareglur: Próf fyrir fjarnema fara fram á Teams eða á Moodle, ekki fleiri en 2-3 próf í hverjum áfanga. Upplýsingar um námsmat koma fram í kennsluáætlun hvers áfanga. Þar kemur m.a. fram hversu mörg próf nemendur taka í hverjum áfanga, nánar um fyrirkomulag þeirra og í hvaða viku þau eru. Nemendur verða að gera ráð fyrir að geta tekið prófin á tilsettum tíma.

Upphaf kennslu:
Nemendur fá sendar upplýsingar um lykilorð, aðgang að Innu, tölvupósti og Moodle frá skrifstofu skólans.

Innskráning á Moodle: Hvernig á að skrá sig inn á Moodle H23

Fjarnámsáfangar í boði á haustönnum

EÐLI2AF05 EFNA2AE05 ENSK2LS05 ENSK3BL05 
FÉLA2AK05 FÉLA3ST05 ÍSLE2RB05 ÍSLE3BF05 
ÍÞRÓ1LN01  ÍÞRÓ1SK01 JARÐ2AJ05 LÍFF1LO05
LÍFF2FR05  LÍOL2MB05 LOKA3LH04 NÆRI2NÆ05
SAGA2MS05  SAGA3ÍM05 SÁLF3ÞS05  SIÐF2IN05 
SPÆN1MS05 SPÆN1MT05 STÆR2AA05 STÆR3CC05
STÆR3EE05

Fjarnámsáfangar í boði á vorönnum

DANS2AA05 EÐLI3BR05 EFNA2FR05 ENSK2LO05
ENSK3BS05 FÉLA2SK05 HBFR2HE05 HEIM2IH05
ÍSLE2BG05 ÍSLE3TS05 ÍÞRF3ÞF05 ÍÞRÓ1LS01
ÍÞRÓ1MÞ01 ÍÞRÓ1SI01 LÍFF2FL05 KYNJ3IN05  FULLT
UPPE2UM05 SAGA3FS05 SÁLF2IS05 FULLT SPÆN1TM05
STÆR2BB05 STÆR3DD05 STÆR2TL05 FULLT  BÓKF1IN05
LOKA3LH04 SÁLF2AF05 FULLT LÍFF3VU05

Fjarnám – gjaldskrá

  • Innritunargjald – 10.000 kr. (allir fjarnámsnemendur greiða þetta gjald)
  • Einn áfangi – 15.000 kr. (bætist við innritunargjaldið)
  • Tveir áfangar  – 25.000 kr. (bætist við innirtunargjaldið)
  • Þrír áfangar  – 35.000 kr. (bætist við innirtunargjaldið)
  • Fjórir áfangar og fleiri 45.000 kr. (bætist við innritunargjaldið)