Stefna Menntaskóla Borgarfjarðar í umhverfismálum er að efla vitund bæði starfsfólks og nemenda um mikilvægi þess að bera virðingu fyrir umhverfinu og að hvert og eitt okkar axli ábyrgð á góðri framkomu við jörðina.
Markmið
- Að efla þekkingu og vitund starfsfólks og nemenda um umhverfismál.
- Að umgengni verði til fyrirmyndar bæði innan sem utan skólans.
- Að lágmarka notkun pappírs og endurnýta þann pappír sem fellur til vegna starfsemi skólans.
- Að hugað verði að umhverfissjónarmiðum við kaup á ræstingarvörum.
- Að kaupa vörur sem hafa vistvæna vottun.
- Að koma rafhlöðum og öðrum spilliefnum til förgunar á viðeigandi hátt.
- Að flokka sorp eftir föngum.
- Að skólinn hljóti Grænfánann.
Leiðir
- Hvetja kennara og nemendur til þess að ljósrita beggja vegna á pappír.
- Koma fyrir ílátum á ákveðnum stöðum í skólanum fyrir endurnýjanlega hluti s.s. gosflöskur/dósir og pappír.
- Að lágmarka notkun einnota matar- og drykkjaríláta.
- Að starfsfólk og nemendur gangi um skólann á inniskóm.
- Hafa mottu sem tekur við bleytu og óhreinindum við aðalinngang skólans.
- Spara orku með því að slökkva ljós og á tækjum þegar þau eru ekki í notkun.
- Sinna reglulegri fræðslu um umhverfið og umgengni okkar um það.