- Ávallt skulu starfsmenn og nemendur sýna hver öðrum kurteisi og tillitssemi.
- Nemendur, kennarar og aðrir starfsmenn eiga að mæta stundvíslega til starfa.
- Nemendum og starfsmönnum ber að ganga snyrtilega um húsnæði og lóð skólans og fara vel með húsmuni og tækjabúnað.
- Öll meðferð og neysla áfengis og annarra vímuvaldandi efna t.d. tóbaks er bönnuð í húsnæði og á lóð skólans. Einnig á öllum skemmtunum og samkomum á vegum skólans. Þetta á jafnt við um rafrettur, munn- og neftóbak.
- Skólayfirvöldum, í samráði við stjórn NMB, er heimilt að leita að áfengi og vímuvaldandi efnum í skólanum, á lóð skólans og í tengslum við skólaviðburði.
- Nemendum og kennurum ber að skila kennslustofum snyrtilegum í lok kennslustundar.
- Ekki skal trufla vinnu annarra í skólanum.
- Ábyrgð á námsvali er fyrst og fremst í höndum hvers nemanda.
- Kennari er verkstjóri í kennslustund en í því felst að fyrirmælum hans ber að hlýða.
- Nemendur bera sjálfir ábyrgð á að kynna sér reglur og starfsáætlanir skólans og þar með einnig að kynna sér þær leiðir og möguleika sem þeir hafa til að koma málum sínum á framfæri.
- Starfsfólk og nemendur ganga ekki um á útiskóm innandyra.
- Nemendur skulu fylgjast reglulega með tilkynningum t.d. í tölvupósti eða á Moodle.
- Brot á reglum skólans getur valdið brottvísun.